Stock Market

*mutual funds - mutual funds ih cih ciang in ah, sumkholmet-sak te sum pen mun khat ah kaaikhawm ngeingai in, tua sum tawh stocks, bonds, leh

 Capital Markets sung pan in ah, stock market pen tamvei za ngei pen ni teh. Stock market ah sumkholmet-sak ciang in, mutual funds aikeileh stock neih-na cih te pen, mailam vanman khang tawh ki tuak in, ih sum in gualzawh na ding in, tanglai pek pan in ah a kizang mahmah khat a hihi. Ih kumtam ciang aa ih zat ding sum ih khol ciang in ah, stock market ah sumkholmet-sak pen sumkholmet-sakte in a sum a khang na ding in a zat masat namkhat a hihi.

Stock man pen khah zel kiam zel pahpah hi. Mi tampi tak in, company khat mailam ah khangto ding a up uh ciang in, tua company stock lei uh hi. Tua ciang in, tua company stock man zong atam zaw ah khang pah hi. Hih dan aa a khang pen online vanzuak na aikeileh mawtaw tuang khawm na apps(Uber,lyft) cih dan te ah zong ki mu thei hi. Mitampi in a tuang nop ciang in ah a man khang tektek hi.

Stock Indices

Sumkholmet-sak ten stock market ii pai(nasep)zia hoih leh hoihlo a theih nop ciang in indices tung tawn in teh hi. Index pen stocks hon khat ii paizia a teh na a hihi. Tua stocks hon khat in market a dei khat tangin a ding a hihi. Indices paizia thu TV tung khawng ah a ki gen za ngei mai ni teh: "Down Jones points 600 kah," "S&P 500 in points 68 ngah," aikeileh "Nasdaq 2.4% khang in points 170 tamzaw in kikhak." Hih dan a ki gen te pawl in indices paizia a gen khia a hihi. Bang hang hiam cih leh indices in stocks tampi a nam ki bang lo industries te paizia teh a hihi. 

 

A Thupi Deuh U.S. Indices Nam 3

Sumkholmet-sak ten U.S. stock market paizia hoih leh hoih lo a theih nop uh ciang in ah Dow, S&P 500, leh Nasdaq Composite cih thum en uh hi. Dow Jones Industrial Average in U.S. stocks 30 ii paizia hoih maw hoih lo a teh na ahihi. Tua Dow sung aa a ki hel companies teng pen mipil misiam te in a tel hi uh aa tua companies teng zong a hun a hun in a mau laih zel ding uh hi. Tua dan aa a laih zel na pen tua index in market bup tang in a ki lak theih na ding in a deih man uh a hihi. 2019 sung in Dow sung ah ExxonMobil, Boeing, Apple, McDonald's, leh Disney cih companies te ki koih hi. Dow pen 1896 pan in a kizang a luipen leh index et na a ki en pen leh stock market's paizia hoih maw hoih maw et na a a ki zang pen khat hi.

S&P 500 Index pen U.S. sung ah om companies lian lak ah 500 a ki tel khia a hihi. Dow sung ah a ki hel stocks 30 zong S&P 500 sung ah ki koih hi. Aihiang in ah S&P in companies 470 beh lap uh hi. Market sung ah Stocks 500 bek hi lo a hih hang in ah, U.S. sung ah a kilei a kizuak 80% bang pen tua 500 sung pan a hihi.

S&P in companies tampi a koih man in ah, mipi misiam pawl khat in U.S. stock teh na ding in, a hoih pen a man pen in ah um uh hi. Bang bang ih ci zong in, a nuai ah lim en le hang Dow leh S&P te paizia pen kumtampi tak ki lam dang lua in pai lua lohi.

    DOW, S&P 500 leh Nasdaq Composite te lak ah Nasdaq Composite pen a ki thak index hi in ah 1971 kum in ah a ki bawl ahihi. Nasdaq Composite sung ah Nasdaq ah a kilei a kizuak stock khempeuh a ki koih a hihi. Nasdaq Composite ah a lang 3,000+ companies pen setvan lam(technology) companies ahihi.

khat vei hih DOW, Nasdaq leh S&P te thu gen kik ni. Thuthak gen te ah Dow 100 points kah aikeileh S&P 5 point kiam hi cih a gen uh radio/TV/internet tung ah zakha ngeingel ni teh. Tua a cih uh ciang bang a cih nop na ai hiam? Dow, S&P 500, leh Nasdaq pen stock market indices (market hoih maw hoih lo a et na) a hihi. Stock market index pen stocks a ki tel hon khat ii apai zia a etna/tehna a hihi. Tua stocks te paizia etna hang in ah, market buppi ii paizia hoih maw hoihlo cih ki kaan thei hi. stock khat bek ii paizia hoih maw hoihlo et sang in ah tua kigawm stocks te ii pai zia et hoih zaw hi. Hih dan in ngaih sun leng, stock khat bek ii paizia en leng, a dang a gol/lian zaw a piang teng theilo ding hi teh. Tua a hih man in ah, index paizia et na in stock khat bek et na sang in a kim zaw thu(information) ki la thei zaw hi. Indices et na hang in ah stock market pai zia theih na ding in a zaizaw in hong lak hi. Index ma sa penpen Dow Jones Industrial Average hi in, 1896 kum in a ki hong khia a hihi. Sumvai tawh ki sai thupuak a sem Charles Dow in ah tua hun lai aa stocks lianpen 12 te ii man(price) teng gawm khawm in ah, pongman(average) man a ngah na ding in ah 12 tawh စား(divided) kik hi. Tuhun ciang in ah, Dow sung ah a lian pen leh a hoih pen U.S. companies 30 om ta hi. Tua companies te pen industries tuamtuam pan in mipil misiam te in a tel khak ngiat a hihi. Tua companies khat khat te in pongman(average) paizia ki laih sak na lian zaw hi. Genteh na in, 2018 kim in, Boeing pen index sung ah tam a man pen stock hi a, index ii 9% bang mun la a, stock tawm man pen Pfizer in index ah 1% bek mun la ahihi. Tua ahih man in Boeing man a ki laih na in Dow pen Pfizer sang tam ki laih sak zaw hi. Dow pen a lui pen leh a ki thei pen index a hih hang in, pawl khat khat ten S&P 500 sang in market bup huam sa zaw lo hi. A hih hang in tua te gel paizia pen tam ki lam dang lualo hi. S&P 500 in U.S. sung aa companies a lian 500 te ii paizia hoih maw hoih lo cih a et na a hihi. S&P 500 pen company tam ki hel zaw a hih man in, pawl khat khat te in U.S. stock market paizia hoih maw hoih lo cih et na ding in a hoih pen in ngaih sun uh hi. S&P 500 teh na pen market cap tawh ki bawl a hihi. Market cap pen company te ii oustanding shares tua share khat ta ii a man a ki မြှောက်(multiplied) a hihi. Tua a hih man in ah, companies market a man tam penpen in S&P 500 ii pongman(average) pen ki laih sak zaw hi. Nasdaq Composite, Nasdaq pen companies 3,000 aikeileh Nasdaq ah a kilei kizuak companies te a hihi. Nasdaq ah a dang indices te sang in companies neuneu te tam ki hel zaw a hi zong in, companies lian pipi te a hi Apple, Amazon, Microsoft, leh Alphabet te zong ki hel hi. Nasdaq ah a ki hel te pen a lang phial tech companies a hih man in, Nasdaq pen technology industry et na ding hoih zaw in ki gen hi. Nasdaq aa a ki hel companies pawl khat pen Dow leh S&P 500 sung ah zong ki hel companies te zong hi thei ding hi.

stock market indices ii thupi zia na theih na ding in ah, nisim in a ki gen thuphuak te na ngaih kul lo hi. tua indices te pen kah zel kiam zel hi ta se leh hun saupi ah kah zaw a hihi.

Hunsau sumkholkhangsak nuam ten market tawh ki tuak in sum a ngah kik nop uh aa leh, a mau a sumkholmetsak uh hun-mong dong a koih na ding ki sam hi. Hun-mong ih cih ciang in ah na sumkholmetsak ki pat hun leh na sum na dok khak hun ih cih na hi. 

1972 pan 1975 ciang dong stocks paizia en ni. Nang pen tua hun aa sumkholmetsak te na hih leh, market volatility(akah a kiam) aikeileh man kilaih man lang lua a hih man in ah market pan in tai-khia nuam ni teh. Hih hun sung teng sung ah stocks paizia khang mengmeng kiam mengmeng a hih mah zong in, 1972 lai in ah $1,000 sumkholmetsak le cin 2017 ciang in na sum pen $138,156 ciang dong khang thei ding hi.

 

 Hih a tung aa lim en le hang, 1972 in sumkholmetsak in 1975 ciang na sum la khia le cin, na sum sum ding hi teh. Ai hiang in ah kum 45 sung sumkholmetsak le cin, na sum a met tampi ngah ding hi teh.

    Index Funds

 Hih indices saupi paizia tawh a met-dot theih na ding in, sumkholmetsak-nuam tampi tak in index funds ah sumkholmetsak uh hi. Index Funds ih cih pen stocks hon khat tel khia in tua teng gawm khat a gawm in lei aa sumkholmetsak tawh kibang hi.