Nang Bang Dan Nam Sumkholmet-sak Mi Na Hiam?

 Sumkholmet-sak ciang in ah, mikhem peuh portfolio nam khat bek ah ki ta-gai-lo hi. Na sumkholmet-sak dan ding pen nang e na dinmun, cih ciang in ah -> na kum, alau-huai thuakzawh na lungsim, na nuntak zia, leh na kisap te cih dan a hihi.

A Lauhuai Thuakzawh na Lungsim

A lauhuai thuakzawh na lungsim in na portfolio thusai(met ding maw metlo ding) pen ding hi, aikeileh a lauhuai te nang bang ci vaihawm. A lauhuai thuakzawh na lungsim pen nang e dan(na luhek, gamtat...) leh hun bang tan nei cih te tung ah ki nga ding hi. A huam kim in gen ding ci leng, hun tam a nei zaw sumkholmetsak-nuam-te pen a khiat na pan in ah a thawh kik hun ding hun nei zaw hi. Gentehna in, a naupang zaw sumkholmetsak-nuam khat in ah, a sum a lom in a khang theih na ding in ah a sumsup ding a lauhuai zaw te zong hih zaw ngam ding hi. A kumtam-tawlnga kuan sumkholmetsak-nuam khat in ah, hun tawm nei zaw in, sumsup ding aa a lauhuai te zong sawk nuam lualo zaw ding hi.


Bangbang ih ci zong in ah, ih ngaih sut ciang in hun bang zah nei cih thu pen bek ngaih sut ding hilo hi. A lauhuai na-thuakzawh na pen na thuak ngei sa te leh nang e dan tung ah zong ki nga lai hi. Sumkholmetsak-nuam te pawl khat a ding in a lian zaw a khang na ding in ah amau e portfolio a kiat pen a et ding in man neilo hi.

Khat na theih ding in ah, sumkholmetsak-nuam ciang in ah sum ki suum thei cih a lauhuai thu pen khengtheih loh thu hi. Tanglai aa a ki zang sumkholmetsak dan te ah zong sumsup ding a lauhuai pen om veve hi. Gentehna in ah, nang pen tanglai-thu tawh gamta in ah, summan kiam lauhuai na, aikeileh van leh mi-cial man tha man te pen khang semsem in na sum a man neih na kiam semsem ding aa, na ngimna na tung na ding in hong nawng kai sak thei ding hi.


Tua a lauhuai sumsup theih na pen ki pel theilo a hih man in, a lauhuai na a tawm theithei na ding in, a hih theih na ding sumkholmetsak-na lampi tuamtuam in hong huh thei ding hi. Bangbang ih ci zong in, a lauhuai tawm semsem leh sum-ngah kik zong tawm zaw pah cih na a hihi.

Hih a naui aa lim en leng, portfolios kum khat a ding summet ngah a lauhuai thuakzawh na a tuamtuam te ki mu thei ding hi. Sumkholmetsak-na tuamtuam te ki gawm na hang in ah, tua portfolios te zong a lauhuai na ki lamdang dan zong ki bang lo pah hi. A nuai ah na muh mah bang in ah, a lauhuai na tawm portfolios pen kum hoihlo pen ah a dang te sang in sia lualo in, kum hoih pen ah zong a dang te sang in hoih lualo pah hi.


A lauhuai na a sang pen leh a ngiam pen a ki lamdang na pen 13.75% hi in, a lai pen 2.65% bek a hihi. Hun saupi a ngaih sun sumkholmetsak-ten ih theih ding pen A hoihlo pan A lailam ki khin, tau a khiat na in a lauhuai a sang pen hi ta leh a ngiam pen hi ta leh alai(pongman) mun mah ah pai kik zaw hi. Hih a tung a lim genteh na pen kum khat a ding bek hi a, hun sau ngaih sun sumkholmetsak-nuam te a ding hilo hi. Aihiang in ah kumkhat sung in 16% a kiam pen na thuak zawh kei a leh, nang pen a lauhuai thuakzawh na neilo hi teh.

Na Kisap Te

Bang dan nuntak na nungta nuam na hiam? Bang ngim na pen nang a ding thupi a hiam? Mopawi a ding aikeileh na ta sang kah na ding sum na khol leh, a lauhuai thuakzawh na in na hun ciangtan zah pen hong ki lamdang sak ding hi. Khat veivei ciang, ngimna khat a ding sum na khol ciang in, a dang sumtawh kisai ngim na na hih teng na khawl phot kul hi. Na kisap, na deih, na lamet cih dan in na ngim na pen na khen khak kul ding hi.


 

Kumtamtawlngak-hun tawh ki tuak na ngimna a ding in, kum na tam semsem ciang nang bang teng ki sam ding cih limtak in na ngaihsut kul ding hi. Kumtamtawlngak-hun lam ah a pil a siam te in, kumtamtawlnga ding ten pen a mau nungtak zia a ki laih loh na ding in a kumtamtawlngak kha sum 80% bang ki sam ding ci uh a, tua zong khat leh khat a ding ki banglo lai ding hi. Na kumtamtawlngak-hun ciang in na nasep na khasum lut a lite ding % pen wage replacement ratio ki ci hi.


 

Mailam ah, na kisap ding te leh, kum bang zah nung ta ding cih ten na sumkholmetsak-na ngim na, ki lite sak kha thei ding hi. Kumtamtawlngak-hun ciang a na nuntak zia tu a sang aa a hoih zaw sak nuam sumkholmetsak-nuam te leh kumtamtawlngak-hun ciang aa sum tawm a zat sawm sumkholmetsak-nuam te a sumkholmet-sak zia uh ki bang lo pah ding hi.

Mi khat leh khat e kisap leh ngimna te a tuamtuam om mah ding hita se leh, sumkholmetsak-nuam te a ding a ki bang gai khat pen: mailam nuamtak a nuntak theih na ding leh lungmuang na a neih na ding in sumkholmetsak pen ngimna ki bang gai ciat phial a hihi.

Comments

Post a Comment

Popular posts from this blog

SMART Acih Ngimna Bawl Ding

Image
 Na portfolio masa pen na bawl ciang, na ki pat dang ding pen ngimna nei ding in, tua ngimna tawh ki tuak in accounts khat tel ding hi teh. Mi khat-leh-khat e sum tawh kisai ngimna ki banglo aa, aihiang in ah ih ngimna ki bang kim khat pen kumtamtawlngak hun ciang in ah nuamtak in tawh nga thei ding, aikeileh laitan sang zaw kah theih na ding, inn, khual zingzawh na ding in sumpiak zawh na ding cih tel zong hi thei hi. Na ngim na bangbang a hi zong in, na ngim na na tut zawh na ding in gelna na neih ciang in ah, tua gelna pen nang tha hong lawpsak ding na deih na teng sang in, a sang zaw hi leh hoih ding hi. Tua ngimna na tut theih na ding in ah na kalsuan na teng pen tua ngimna tawh a ki tuak ding hi leh hoih hi.    Ngimna ki cian neih na tawh, 15% bang, ki gualzo zaw thei hi. Na ngim na tel-sinsen in, na gel bang in kip-tak in gamtat na tawh, na ngim na, na tut zawh na ding lampi tam-zaw mahmah hi. Hih dan aa gamtat na tawh ngimna tut zawh na pen, mailam ah a gah ih la...
Read more

Put and Call Options

Image
  Options (manglai) ih cih bang hiam? Options ih cih pen, stock a hun ciang tan khat sung ah bang zah man(tung ding) tawh lei ding ci aa (na lei nop leh lei theih, na leinop kei a leh zong tua options pen zuak theih na ding in) a ki hih a hihi. Options in hun ciang tan nei hi. Gen teh na in ah, tuni 10/6/2022 a options lei ding ci ni. Options lei na mun ah a nuai a lim sung bang in bang ni ciang na options lei bei ding cih ki en thei hi. Tua a ni tawh ki tuak in, tua stock kiam ding maw khang ding cih en in ah PUT aikeileh CALL options a ki lei a hihi. A tung a lim ah en leng CALLS nuai ah Last X a cih pen tulai tak aa a man zah hi. Bid X pen min bang zah tawh lei ding cih a a tah uh a hihi. Ask X pen a zuak ten tua zah nong piak leh zuak ding a cih a lak na a hihi.  Tua mah tawh ki bang in a lang ah PUTS om pah hi.
Read more

Sumkholmetsak Na Ding In Ah Zuih Ding thukhun Nga

Image
     Sumkholmetsak pen a buai-huai lua ding in ngaih sut ding hilo hi. HunSaupi a ding aa sumkholmetsak nuam te a ding in, a haksalo thukhun pawl khat ki cian tak in zuih na tawh sumkholmetsak na ah lung-kham huai lualo ding in hong huh thei ding hi. Hih zuih ding thukhun nga teng in, mailam saupi sumkholmetsak na ah ih sumgel dan ding teng bang ci hih ding cih ih siksan mun ding in zong hong hi ding hi. Na portfolio( sumkholmetsak na sumsazin) na ki pat ciang in ah, hih thukhun nga teng pen kumtam-tawlngak hun ciang aa ding ih portfolio ah zong ki zang thei ding hi. Thukhun 1: Sumkholmetsak kipan baih leh Sumbehlap dending Summet-metbeh sak pen, sumkholmetsak-nuam te ii zat mahmah khat hi a, summet-metbeh nasep theih na ding in hun leh sum koih zel ding ki sam hi. sumkholmetsak-te sumkholmet-sak ki pan baih leh a behlap zel te pen sumkholmetsak ki pan hak te sang in a liangpi in met na om zaw hi.  Summet-metbeh sak ki pan baih na ii thupi na ih nuntak na ah ih muh t...
Read more