Sumvaihawm na Mun

     Sumkholmet sak ten mailam ah vanmankhang ding tawh ki tuak in a sum a zat theih na ding in Sumvaihawm na Mun ah sumkholmet sak uh hi. Genteh na in, companies ten, mailam ah akhang(lian) zawk na ding in sum ki sam uh hi. Tua a hih man in, a mau a sumbawl(business) na uh a neng a neng in sumkholmet sak te kiang ah zuak uh hi. Tua sumbawl a neng a neng in a lei sumkholmet sak te pen, tua company a neng khat a nei khawm te suak uh hi. Tua sumbawl na pen khang zenzen leh, sumkholmet sak te zong met thei hi. Ai hiang, "Sumvaihawm na Mun ah sumkholmet sak" ih cih khiat na in bang ai hiam?

    Sumvaihawm na Mun pen mipi in neih-leh-lam zuakleh lei na mun, aikeileh na man pha van, stocks(equity zong ki ci(Sumbawl na a neng neih na)), bonds(bonds ih cih pen sumtawi hi. Nang bonds nalei ciang in kumpi/kipawlna te kiang ah sumtawi pia na hihi. Tua kumpi/kipawlna te na sumtawi zah leh asauzah(kum 1, kum 2...) tawh ki zui in a met hong pia ding hi.) leh commodities cih te ahihi.

 

*Capital Markets (capital markets ih cih pen sumyin(အရင်းအနှီး‌ငွေ) khang sak na ding in shares, bonds cih te leh a dang mailam sawtpi sumkholmet sak cih dan tuamtuam vaihawm na mun hi.)

    Sumvaihawm na Mun tuamtuam om a, hih sung ah Capital Markets tawh bang ci ih sum te tam sak ding cih gen ding hi hang.

Capital Markets bang ci nasem hiam

    Capital markets ah, sumkholmet-sak nuam ten a mau sum a met na ding in kipawlna tuamtuam( companies aikeileh kumpilam vaihawmte) pan aa kipawlna khat tel in a sum uh yin ding uhhi. Hih sumbuk na a sep theih na pen, sumkholmet-sak nuam te leh sum ki sam sumbawl-kipawl-na-ten hih sumbuk tung tawn in ki zop theih na nei a hih man a hihi. Sumkholmet-sak ten a met a ngah theih na ding un, a sum uh sum ngam uh aa, sumbawl-kipawl-na-ten zong a ki sap sumbul ding zong ngah a hihi.

 

     sumkholmet-sakte, companies, leh kumpilam vaihawmte, capital markets ten milaimi(brokers) nei uh hi. milaimi ih cih ciang in, nang a lei ding leh a zuak ding te ki kal ah a lem ding in hong vai hawm sak mi cih na hi. E-trade, Ronbinhood, TD Ameritrade cih te pawl pen Milaimi aikeileh milai-phual-kipawlna mun ah a ding, stocks leh bonds te lei zuak a sem company te a hihi. Genteh na in, nang sumtampi nei in company khat ah pai in tua company ii a neng(share) leh mailam ah a ngah ding a met tawm deih na hih man in, tua company ah pai in ken na company share ah lutnuam in ei ci thei ziau lo ding hi teh. Tua dan aa company share na lei nop leh, milai-phual-kipawlna company te a hi E-trade, Ronbinhood, TD Ameritrade te kiang pan in ah sumkholmet sak thei ding, aikeileh tua sumlamsiam mipil te ki huhsak in nasum vai hawm sak thei hi.

    Capital Markets Namte

Hih sung ah Capital Markets nam nih gen ding hi hang. Tuategel pen stock market leh bond market hi.

    Stock market ah, sumkholmet-sakten company ii neng, share, a neih na ding un, a sum uh tua companies te kiang ah sumsik uhhi. Tua company neng, share neihna/ciapteh na pen stock ki ci hi.


 

Sumkholmet-sak ten company khat ii stock a neih ciang un ah, tua company ii a man khang leh, tua company ii stock shares zong a khang cih theih hi. Tua dan in a khang man in sumkholmet-sakte zong tua company shares a neih man un phattuam na ngah uh hi.

    Bond market ah, sumkholmet-sak ten a sum uh kipawlnate, kumpilam vaihawmte kiang ah a sum uh leitawi uh hi. Stock market tawh a kibat loh na ah, bonds in sumkholmet-sakte tua company ii a neng(share) neih na pialo hi. Bonds pen company, kumpi tung ah hun ciangtan in sum a leitawi pia a hihi. Bonds in summet ngah a, tua summet pen sumleitawi ten pongman(regular) in a piak sum ahihi. Bond hun ciangtan zah a tung ciang in, sumkholmet-sakte in ah a mau sumtawi zah a kim in ngah kik uhhi.


 

 Hih a nuai ah stock leh bond ii ki batloh na a thupi teng a ki gelhkhia a hihi.


 

 Capital markets ah, sumtang(cash) tawh sumkholmet-sak theih na a hi money markets a cih zong om hi. sumtang tawh sumkholmet-sak na ii summet ngah pen 1% pan 2.5% ciang hi thei a, mailam vanman khang tawh ki tuak in summet ki ngah zolo hi. Mipawl khat in a sumtawm no khat money markets ah a koih na a hang pen, sumtam a khang ding lam et man hilo in, a sum-uh akep na ding in a koih hi zaw hi.

A lauhuai zaw markets tampi om a, tua te pen commodities, derivative cih te pawl hi. Tua markets te pen hih markets tawh kisai a siam te bek sawk ding te pawl hi. A khat vei na sumvailam na hih(sep) cil na ai a leh, capital markets pen na ngaih sut masak zawk ding hi. 


Dotna

Kuateng in capital markets ah sumvaihawm uh aihiam?

Sumkholmet-sakten stock pan in bang ci dang in summet ngah thei ding ai hiam?

Comments

  1. meDecember 19, 2020 at 2:17 PM

    so good to read.. I'd appreciate your help... ***always keep fighting your translation***

    ReplyDelete

Post a Comment

Popular posts from this blog

SMART Acih Ngimna Bawl Ding

Image
 Na portfolio masa pen na bawl ciang, na ki pat dang ding pen ngimna nei ding in, tua ngimna tawh ki tuak in accounts khat tel ding hi teh. Mi khat-leh-khat e sum tawh kisai ngimna ki banglo aa, aihiang in ah ih ngimna ki bang kim khat pen kumtamtawlngak hun ciang in ah nuamtak in tawh nga thei ding, aikeileh laitan sang zaw kah theih na ding, inn, khual zingzawh na ding in sumpiak zawh na ding cih tel zong hi thei hi. Na ngim na bangbang a hi zong in, na ngim na na tut zawh na ding in gelna na neih ciang in ah, tua gelna pen nang tha hong lawpsak ding na deih na teng sang in, a sang zaw hi leh hoih ding hi. Tua ngimna na tut theih na ding in ah na kalsuan na teng pen tua ngimna tawh a ki tuak ding hi leh hoih hi.    Ngimna ki cian neih na tawh, 15% bang, ki gualzo zaw thei hi. Na ngim na tel-sinsen in, na gel bang in kip-tak in gamtat na tawh, na ngim na, na tut zawh na ding lampi tam-zaw mahmah hi. Hih dan aa gamtat na tawh ngimna tut zawh na pen, mailam ah a gah ih la...
Read more

Put and Call Options

Image
  Options (manglai) ih cih bang hiam? Options ih cih pen, stock a hun ciang tan khat sung ah bang zah man(tung ding) tawh lei ding ci aa (na lei nop leh lei theih, na leinop kei a leh zong tua options pen zuak theih na ding in) a ki hih a hihi. Options in hun ciang tan nei hi. Gen teh na in ah, tuni 10/6/2022 a options lei ding ci ni. Options lei na mun ah a nuai a lim sung bang in bang ni ciang na options lei bei ding cih ki en thei hi. Tua a ni tawh ki tuak in, tua stock kiam ding maw khang ding cih en in ah PUT aikeileh CALL options a ki lei a hihi. A tung a lim ah en leng CALLS nuai ah Last X a cih pen tulai tak aa a man zah hi. Bid X pen min bang zah tawh lei ding cih a a tah uh a hihi. Ask X pen a zuak ten tua zah nong piak leh zuak ding a cih a lak na a hihi.  Tua mah tawh ki bang in a lang ah PUTS om pah hi.
Read more

Sumkholmetsak Na Ding In Ah Zuih Ding thukhun Nga

Image
     Sumkholmetsak pen a buai-huai lua ding in ngaih sut ding hilo hi. HunSaupi a ding aa sumkholmetsak nuam te a ding in, a haksalo thukhun pawl khat ki cian tak in zuih na tawh sumkholmetsak na ah lung-kham huai lualo ding in hong huh thei ding hi. Hih zuih ding thukhun nga teng in, mailam saupi sumkholmetsak na ah ih sumgel dan ding teng bang ci hih ding cih ih siksan mun ding in zong hong hi ding hi. Na portfolio( sumkholmetsak na sumsazin) na ki pat ciang in ah, hih thukhun nga teng pen kumtam-tawlngak hun ciang aa ding ih portfolio ah zong ki zang thei ding hi. Thukhun 1: Sumkholmetsak kipan baih leh Sumbehlap dending Summet-metbeh sak pen, sumkholmetsak-nuam te ii zat mahmah khat hi a, summet-metbeh nasep theih na ding in hun leh sum koih zel ding ki sam hi. sumkholmetsak-te sumkholmet-sak ki pan baih leh a behlap zel te pen sumkholmetsak ki pan hak te sang in a liangpi in met na om zaw hi.  Summet-metbeh sak ki pan baih na ii thupi na ih nuntak na ah ih muh t...
Read more