Nang E Sum-nasepsak Na Dan

 Na portfolio paizia tung ah na lam et na tawh ki zui in, na sum-nasepsak na pen en-cik aikeileh en-ciklo ding hi teh.

A en-ciklo sum-nasemsak ten market tawh ki tuak in a summet ngah kik ding lam en hi. A mau sum-nasepsak na uh lawng zel lo in, a sum-nasepsak na uh zuak zel lei zel lo in sawt vei pi kem zaw hi.

A lang lam ah en ding ci leng, a en-cik sum-nasemsak ten market sang in a tam zaw summet a ngah na ding un lam en uh hi. A mau a sum-nasepsak ciang un lim tak in gel uh a, a mau a man hoih pen a ngah na ding in lei zel zuak zel hi.

A en-ciklo leh a en-cik sum-nasemsak na khen tat na pen, nang leh nang sum-nasemsak aikeileh a siam sa te kiang huh na a zong cih tel na tawh ki bang lo hi. Genteh na in, a pil/siam bang ci sep ding cih hong gen ten, en-cik aikeileh en-ciklo cih gel na te tawh na portfolio hong vai hawm sak kha thei ding uh hi.

En-cik leh En-ciklo sum-nasepsak na a nih in a hoih leh a hoih lo na om in, hih lai sung ah en-ciklo sum-nasepsak na pen tam gen zaw ding hi hang. Nang pen sum-nasemsak a ki pan thak na hih leh, en-ciklo sum-nasepsak na pen nang a ding in bait zaw deuh ding hi. Sum-nasepsak na thu na theih semsem  leh nang leh nang na ki muang semsem ciang in, en-cik sum-nasepsak na pen sep ding in ngaih sun kha ni teh. En-cik leh en-ciklo sum-nasepsak na pen a ki cing zaw in gen zaw ni. Tua hi leh nang tawh koi pen ki tuak cih na thei zaw ding hi.

En-ciklo Sum-nasemsak

A en-ciklo sum-nasemsak te e gel-na ah U.S. e index funds hoih maw hoihlo cih a et na, Dow, S&P 500, Nasdaq Composite cih te et na a gelna uh ah ki hel hi. A deih na uh pen index sung a a om funds lei na tawh, nang tua index tawh ki bang in summet na ngah kha thei ding hi.

En-ciklo gel na pen market ni sim aikeileh kha sim in a en nuam lo sum-nasemsak te a ding in a hoih pen hi kha ding hi. En-ciklo sum-nasemsak ten a mau portfolio paizia a et kul zel hang in ah, portfolio vaihawm na pen ni sim in a nasep a hih kul lo hi.

En-ciklo sum-nasepsakna a hoih na khat pen, man tawm zaw a hih man a hihi. Khat na in ah, lei zel zuak zel na hih kei leh, commissions man tam pia kha lo ding hi. A nih na ah, funds na lei a leh en-ciklo  vaihawm na pen en-cik vaihawm na sang in ah a man tawm zaw ding hi. Bang hang hiam cih leh, a en-cik a a vaihawm ten fund ah summet tam a ngah theih na ding un ah, fund manager te sum-nasepna a lei leh a zuak man a piak kul hi.

En-ciklo sum-nasemsak ten market e a ngah zah(average) mah ngah zaw ding a, tua pen khat khat te a ding in lungkim huai lo in, khat khat te a ding in lungkim huai lel hi. En-ciklo sum-nasemsak te a ding in market ngah zah mah a ngah uh pen hoih sa lel hi. Aihiang in, market paizia pongman(average) sang in hoih kei zaw leh a mau a ding in sumsup ding lauhuai a, a en-cik te a ding a ding in market pongman(average) sang in a hoih kei zong in a mau a ding in sumsup ding lau huai na tawm zaw hi. 

Bangbang ih ci zong in, sum-nasemsak khat khat te a ding in, market ngah zah mah summet ngah pen lung kim huai salo uh hi. Market sang in summet ngah ding a ham sat hang in ah, a en-cik sum-nasemsak ten market sang in summet tam a ngah zawk nang un han ciam veve uh hi.  A en-ciklo sum-nasemsakna pen, a mau sum-nasemsakna a tel nuam te a ding in a hoih pen gel na hilo hi.

Gentehna in, a en-cik sum-nasemsak ten, stock man pen a kiam ni a om lam thei uh hi. A en-cik sum-nasemsak ten tua ni pen stock man discount tawh ngah hun ci in lei uh a, a hun tawh ki zui in a stock man a kah na ding in lam en hi. A en-ciklo sum-nasemsak ten tua hun pen khah suah kha thei ding hi.

 

 

 En-Cik Sum-nasemsak

A en-ciklo sum-nasemsak te, a sum-nasepsak na lei in kem te tawh ki bang lo in, a en-cik sum-nasemsak ten market ding mun tawh ki tuak in na sem zaw uh hi. Lei zel na thukaan na tawh a Funds uh vaihawm a(genteh na in, vompi market ah index a kiat hang in funds pawl khat e a paizia hoih hi), aikeileh stock khat, bonds / options te lei na tawh.

A en-cik sum-nasemsak pen hun tom sum-nasemsak te e a ki sap pawl khat gen thei ding hi. Bang hang hiam cih leh, a mau market bang ci ding cih a ngaih sut kholh na tawh ki zui in sum-nasemsak na tel thei a hih man a hihi. Et-Cik sum-nasemsak na pen a siam/pil te muang in lei zel zuak zel sak ciang pan in nang leh nang ni lei zel zuak zel ciang dong zaai thei hi.

Sum-nasemsak tampi in en-cik sum-nasemsak e hih theih na pen hoih sa zaw uh hi. A mau markets paizai a et uh nuam sa aikeileh a mau tang in a siam te en sak in ah bang piang ding cih lam et na pen in a lung sim uh lawp sak hi. 

A en-cik sum-nasemsak ten market sang in ah a hoih zaw in a ngah ding tam zaw a, a hi zong in market sang in zong a hoih lo zaw in a ngah ding a lau huai na pen tam veve hi. En-cik sum-nasemsak na, a dang zia teng ah nang leh nang en-cik sum-nasemna na na hih na ding, vaihawm na ding in sum tam ki zang zaw le--h a man tam pia zaw leh hun leh thu na theih en-ciklo sum-nasemsak te sang in na theih kul zaw ding hi.

 

A Thupi Leh Kankawikawi

En-cik leh En-ciklo sum-nasepsak na pen sum-nasepsak na gel na tampi lah khat hi a, tua te gel tel pah ding cih na hilo hi. Sum-nasemsak pawl khat ten en-cik leh en-ciklo gel na te gel leh "A Thupi Leh Kankawikawi" cih te gawm khawm in, "a thupi" pen en-ciklo sum-nasepsak na hi a, "kankawikawi" pen en-cik sum-nasepsak na a hihi.

Genteh na in, na portfolio sung ah a thupi a hi, man tawm, index funds a tuamtuam  cih te ki hel thei hi. Tua pen na portfolio e 80% pan 95% ciang hi thei hi. Na portfolio ah Kankawikawi e nasep pen, na portfolio e 5% pan 20% pen market sang a hoih zaw na ngah theih na ding in na zat hi kha ding hi. 

Genteh na in ah, a thupi na portfolio pen a siam te vaihawm sak in, kankawikawi portfolio tawh nang leh nang vaihawm in, en-cik gelna tawh na sem thei ding hi.